Board Meeting of the Diaspora Women's Association in Stockholm

کوردی | English

کوردی

کۆبوونەوەی دەستەی کارگێڕی کۆمەڵەی ژنانی دیاسپۆرا لە ستۆکهۆڵم.

‎ بەرواری ١٧ ی تشرینی دووەمی ٢٠٢٤ دەستەی کارگێڕی کۆمەڵەی ژنانی دیاسپۆرا لە شاری ستۆکهۆڵم لە Kulturhuset کۆبوونەوەیەکیان ئەنجامدا.

‎لە کۆبوونەوەکەدا ئەڤین ساڵح، میدیا حەسەن، ئەڤین شنگالی، ماهان ئەشرەفی، لەگەڵ شەرمین بوزەرسلان ئەندامی دەستەی بەڕێوەبەری KDWF فیدراسیۆنی ژنانی دیاسپۆرای کوردستان ئامادە بوون.

‎سەرەتا کردنەوەی کۆبوونەوە لەلایەن ئەڤین شنگالی.

‎لەمیانەی کۆبوونەوەکەدا شەرمین بۆزەرسلان باسێکی لەبارەی کارو چالاکیەکانی KDWF فیدراسیۆنی ژنانی دیاسپۆرای کوردستان پێشکەش کرد.

‎دواتر تاوتوێی پلانی ڕێکخراوەکە و باس لە دەستکەوتە گرنگەکانی لە داهاتوویەکی نزیکدا کرا.

‎لە درێژەی کۆبوونەوەکەدا بڕیادرا ئەنجومەن کار بکات بۆ بەدیهێنانی ئەم ئامانجانەی خوارەوە لە دەستووری ڕێکخراوەکەدا:

١- کارکردن بۆ یەکسانی جێندەر و مافەکانی مرۆڤ و مافەکانی ژنان.

٢- هەوڵدان بۆ نەهێشتن و وەستاندنی توندوتیژی دژی ژنان.

٣- کارکردن بۆ دڵنیابوون و ڕەخساندنی دەرفەتی خوێندنەوە و نووسین بە زمانی دایک بۆ ژنان.

٤- کارکردن بۆ دەستەبەرکردنی دەرفەت بۆ خوێندن، گەشەپێدان، و باشترکردنی بژێوی ژیان بۆ ژنان.

٥- کارکردن بۆ بەفەرمی کردنی زمانی کوردی، کە ببێتە زمانی نووسین و فێرکردن لە هەموو پارچەکانی کوردستان.

٦- کارکردن بۆ دەستەبەرکردنی ئاشتی و ئاسایش بۆ ژنان.

٧- کارکردن بۆ دڵنیابوون لەوەی ژنانی زیانلێکەوتووی جەنگ و توندوتیژی پارێزگاری و پشتگیری بکرێن، و

چارەسەرکردنی گونجاویان بۆ دابین بکرێت.

٨- پشتیوانیکردن لە مافەکانی مرۆڤ و مافە بنەڕەتییەکانی کورد.

‎جێگەی ئاماژەپێدانە کە ئەمە دووەم کۆبوونەوەی ئەنجومەنەکە بوو دوای کۆبوونەوەی ساڵانە لە ١٥ ی ئەیلوولی ٢٠٢٤.

شایانی باسە کە ڕێکخراوەکە تۆمارکراوە و ژمارەی فەرمی نێو ڕێکخراوانی وڵاتەکەی وەرگرتووە، هاوکات لیستی ئەندامەکان نوێکراوەتەوە.

یەکێک لە کارە گرنگەکانی ئەم کۆمەڵەیە، ئەوەیە کە بەدواداچوون بۆ دادگاییکردنی ژنانی داعش دەکات کە تۆمەتبارن بە کۆمەڵکوژی کوردانی ئێزدی. لەم سۆنگەیەوە گفتوگۆ لەگەڵ ژمارەیەک ڕێکخراوی سویدی و نێودەوڵەتی دەستی پێکردووه، هەروەها مایەی خۆشحاڵیە کە ژمارەیەک لە ئەندامانی ئەنجومەن لە تۆڕی نێودەوڵەتی G100 بوون بە ئەندام.

لە کۆتاییدا ئەنجومەن لیستێک بۆ پەیوەندی و دیالۆگ لەگەڵ ڕێکخراو و دەسەڵاتداران ئامادە دەکات بۆ هاوکاری لە دەوری ئامانجەکانمان.

‎کاری سەرەکی ئەم ڕێکخراوه داکۆکیکردن له ماف و ئازادییەکانی ژنانی کورد و خەڵکی کوردستانە.

‎لە ماوەی ٦ مانگی یەکەمدا، پلانمان هەیە زیاتر جەخت لەسەر ئەم کارانە بکەین:

- بەردەوامبوون لە بەدواداچوونی پرۆسەی دادگاییکردنی ژنانی داعش لەسەر جینۆساید.

- کار بۆ ڕێگریکردن لە یاساکانی هاوسەرگیری منداڵان لە عێراق، هاوکات پەیوەندیکردن و هاوکاریکردنی دەزگا و ڕێکخراوەکانی تر لەسەر ئەم بابەتە.

- کارکردن بۆ دڵنیابوون لەوەی کە پاڵپشتی دەروونی هەبێت بۆ هەموو ئەو ژنانەی کە شەڕی چەکدارییان بینیوە و ئەو ژنانەی دووچاری توندوتیژی دەروونی و جەستەیی بوونە.

- کارکردن بۆ دڵنیابوون لەوەی کە خولی تایبەت بە خوێندنەوە و نووسین بکرێتەوە، بۆ ئەو ژنانەی کە دەرفەتی خوێندنەوە و نووسینیان بە زمانی دایکیان نەبووە نە لە سوید و نەلە کوردستان.

- کار بۆ دڵنیابوون لەوەی کە ژنانی وڵاتانی تر دەرفەتی گونجاویان بۆ دابین بکرێت بۆ بەشداری زیاتر لە کۆمەڵگەدا، لەوانە دەرفەتی بەکارهێنانی ئازادانەی ئامڕازەکانی گواستنەوەی گشتی، وەرگرتنی پەروەردەی گونجاو، و پشتگیری دایک و باوکان.

- گفتوگۆکردن لەگەڵ ژمارەیەک ڕێکخراو و دامەزراوە لەسەر بنەمای ئامانج و دانانی پلانی بازرگانی.

- بڵاوکردنەوەی بەیاننامە و پەیامی ڕێکخراوی KDWF فیدراسیۆنی ژنانی دیاسپۆرای کوردستانی سەبارەت بە توندوتیژی دژی ژنان پێش ٢٥ ی تشرینی دووەم و ٨ ی ئازار، بە مەبەستی ئەنجامدانی چالاکی بۆ ئەندامان.

English

Date: November 17, 2024Location: Kulturhuset, Stockholm

The Executive Board of the Diaspora Women's Association convened on November 17, 2024, at Kulturhuset, Stockholm. The meeting was attended by Evin Salih, Media Hassan, Evin Sinjar, Mahan Ashrafi, and Sharmin Bozerslan, a member of the board of directors of the Kurdistan Diaspora Women’s Federation (KDWF).

The meeting was initiated by Evin Shingali, who opened the discussion.

Key Points of Discussion

• Activities of KDWF:Sharmin Bozerslan highlighted the initiatives undertaken by KDWF and its significant accomplishments.

• Future Objectives:The council reviewed plans for the organization's upcoming endeavors, emphasizing the following goals:

  1. Promoting gender equality and women’s rights.

  2. Combating violence against women.

  3. Facilitating opportunities for women to learn in their mother tongue.

  4. Improving educational access and livelihoods for women.

  5. Advocating for the Kurdish language to become an official medium of education across Kurdistan.

  6. Ensuring safety and security for women.

  7. Supporting and rehabilitating women affected by war and violence.

  8. Upholding Kurdish human rights and fundamental freedoms.

‎